நீ கண்விழிப்பதே
என்னைக் கொல்லத்தானா
கதறுகிறது தினக்காலண்டர்
***
சன்டேயில்கூட எனக்கு
விடுமுறையில்லை
கிழிக்கமறந்த சனிக்கிழமை
***
பலன் பார்த்த பாலகன்
அம்மா பாக்கெட்மணி தருவியா
துலாம் - பணக்கஷ்டம்
***
செத்தவீடு
பலித்த பலன்
விருச்சிகம் – விடுதலை
***
அடித்த அலாரம்
விழித்த நான்
கிளாஸ் ஓவர்
***
உலகமே பாட்டுக்கு
பிழையாய் வாயசைக்கிறது
காதில் ஹெட்செட்
***
நினைக்க முயன்று தோற்றுப்போகிறேன்
விழித்தபடி குருட்டை உணர்ந்த கும்மிருட்டில்
காதோரம் ஒலித்த கடைசிப்பாடல்
No comments:
Post a Comment